من بلاد المهجر
-
الشرطة الإسبانية مستاءة من عدم اعتذار المغرب بعد “إهانة” الشرطيات بمليلية
-
مغاربة يعيشون تحت جسر قنطرة قرب مدريد
-
فاعلون بالمهجر يستنكرون اقصاء مجلس الجالية للأمازيغية من مخططه الأخير
-
مغربيات تحت التحرش الجنسي بالحقول الإسبانية
-
هبوط طائرة بأمستردام كانت تتجه نحو مطار العروي بعد اشتعال نيران بأحدى محركاتها












التلفزيون ديالنا حلف مايبدل القاعيدة ديالو, وهي أنه يجيب أتفه وأردأ وأحط الأعمال التلفزيونية ويكبّها لينا على مائدة الإفطار, الأعمال اللي ماعندها لا ساس لا راس, لا سيناريو لا حبكة درامية ولا غير درامية ولا فيها ريحة الكوميديا وكيسميها كوميدية, الغريب أن الناس المسئولين على التلفزيون وبالضبط المسئولين على تفويت البرامج فأوقات الذروة فالشهر الكريم كيتعاملو مع الموضوع من باب "الفيرمة ديالهم", يعني دوّز السلسلة وشدّ البّاي ديالك والمواطن اللي كيخلص هاد الشي كولو يضرب راسو مع القنت ديال الحيط, أما المتابعة والتحقيقات راه أسطورة في هذا البلد السعيد, وطبعا صحاب شركات الانتاج المستفيدة مكيخليوش شي حاجة للصدفة وكيوزعو الأظرفة مولات العشرالاف درهم على الصوحافيين اللي عندهم مع الكواليس باش يزمّو فامهم ويديوها فريوسهوم وميجبدوش عليهم النحل..
وهكذا ولينا كنشوفو فالتلفزة حسن الفذ محزم وكيلوز باش يضحك المشاهد بزز ف"الفذ -تيفي".. ونشوفو البسطاو والإيحاءات الجنسية ديالو بلا حشمة بلا حيا ف "حنا جيران" ..ونتبّعو الإطناب والشطيح والرديح بلا وقت ف"دار الورثة"..
الحاصول .. الله ياخذ فيهم الحق .. ويبيّن فيهم العلامة ياربي وهاد لعواشر..